Með nýju ári þá hellist oft framkvæmdargleði yfir suma, margir ákveða að taka í gegn viss rými á heimilinu. Fyrir þá sem eru í baðherbergjahugleiðingum þá er hér eitt gordjöss! (p.s. mamma taktu niður punkta;)

Styling: Åsa Dyberg Foto: Marcus Lawett för Ballingslöv Myndir fengnar: via

Fölbleikur veggurinn á bakvið vaskinn, koparlituð blöndunartæki, baðhandklæðahengi úr loftinu og svartur veggur! Einnig hvernig nokkrum fallegum smáhlutum er leyft að njóta sín, uppáhaldskremið, gott ilmvatn og skartgripakrús.

Vitiði… ég fæ vatn í munninn!

Er það bara eðlilegt haha

Ég var aðeins að dúlla mér hér heima um daginn, en baðherbergið var búið að pirra mig í nokkurn tíma. Það er alveg ágætlega rúmgott og pláss fyrir bæði þvottavél og þurrkara þar inni, svo eru hillur þar fyrir ofan sem ég sá alltaf fyrir mér að nota sem skiptiaðstöðu þegar að því kæmi.

Eins og sjá má var ekkert mjög mikil prýði af þessu baðherbergi, hillurnar sem geyma ýmist þvottaefni og straujárn voru ekki mikið fyrir augað og þurftu þær því alveg á því að halda að fá smá make-over…

Ég gerði í rauninni mjög lítið þó að munurinn sé mikill.

Við mamma saumuðum og strengdum efni fyrir hillurnar úr doppóttu efni sem ég keypti í Virku og svo keypti ég nokkur skipulagsbox í Ikea undir bæði snyrtidót og ýmsa hluti sem þarf að nota fyrir skiptiaðstöðuna. Ég viðurkenni alveg að ég valdi mögulega ekki ódýrustu boxin í búðinni, en það virðist vera eitthvað sem fylgir mér bara:) En fín eru þau!

Ég mæli algjörlega með því að strengja efni fyrir svona hillur ef þið eruð með heima hjá ykkur, þetta léttir alveg ótrúlega mikið á rýminu og svo er vel hægt að kaupa ódýr skipulagsbox til að létta smá á draslinu.

Á myndinni má einnig sjá sjúkrahústöskurnar klárar fyrir komandi daga:)

Ég er allavega mjög ánægð með útkomuna!

-Svana

Já í dag ætlum við að tala um sápur…

Undanfarið hef ég tekið eftir í vaxandi mæli notkun á sömu sáputegundinni og snyrtivörum þegar kemur að innlitum eða á fasteignamyndum (þessum sænsku), Aesop heitir merkið sem allir nema ég virðast eiga. Ég sem hef hingað til hoppað hæð mína þegar einhver færir mér ódýra sápu frá Bath & Body Works frá Ameríkunni eflaust uppfullar af efnum sem ég kæri mig ekki um að vita. Ég viðurkenni fúslega að ég er algjört fórnarlamb þegar kemur að svona markaðssetningu og núna dauðlangar mig til að prófa þessar vörur, ég hef þó ekki orðið vör við þetta merki hér heima á nokkurn hátt. Umbúðirnar eru það fyrsta sem grípur augað, klassískar og stílhreinar en fyrirtækið var stofnað árið 1987.

Ef einhver ykkar hefur reynslu af þessum vörum má sá hinn sami endilega upplýsa mig:)

Sænska hönnunartímaritið Elle Decoration veitti í byrjun mánaðarins hönnunarverðlaun ársins í ýmsum flokkum eins og hönnuður ársins, ljós ársins en það sem vakti athygli mína var baðherbergi ársins. Þetta er jú ein óvenjulegasta baðherbergishönnun sem ég hef séð. Baðberbergið var hannað af Roger Persson fyrir Svedbergs og ber það heitið Front.

Einstaklega skemmtilega útfært baðherbergi, en augljóslega ekki fyrir alla. Þú þarft jú að kunna að meta það að raða og þurrka af reglulega:)

Ég væri alveg til í að fá að spreyta mig á að raða inní svona baðherbergi, það er eflaust bara nokkuð skemmtilegt. Ég sé samt fyrir mér að það gæti mjög fljótlega farið allt í drasl á svona hinu hefðbundna heimili og litlar hendur eflaust fljótar að týna allt út á gólf. Skemmtileg hönnun en ég leyfi mér að efast um praktíkina:)

Hvernig finnst ykkur þetta baðherbergi?

Mikið ofsalega er ég hrifin af þessari notkun á víragrind, en hér hefur hún verið hengd upp á vegg og er því notuð sem smáhlutahilla. Þetta er sérstaklega sniðugt á baðherbergjum þar sem ekki er hægt að bora í flísarnar og því er hægt að bora þar sem flísarnar enda og hengja band með krókum í grindina. Þetta baðherbergi er svo auðvitað einstaklega smekklegt og mikið hljóta plönturnar að lifa góðu lífi í rakanum sem kemur þegar við förum í bað. Ég á svona víragrind reyndar í kopar og ég hef ekki fundið nógu gott hlutverk fyrir hana því ekki er hægt að geyma ávexti í svona grindum sem var upphaflega hugmyndin mín, það er því ágætis hugmynd að skella henni upp á vegg.

Plönturnar lífga baðherbergið heldur betur við.

Flip mirror frá Normann Copenhagen er tilvalinn á baðherbergið og fallegt að geyma á bakkanum uppáhalds snyrtivörurnar eða skart.

Góð hugmynd að hengja spegilinn á gluggann og mikið sem það hlýtur að vera góð birta þar til að mála sig á daginn!

 Myndir via Bolig Magasinet

Ferlega smart ekki satt? Það er vel hægt að yfirfæra þessar hugmyndir yfir á baðherbergin okkar, ég hef t.d. aldrei hugsað út í það að hafa plöntu inni á mínu það er nefnilega þannig að baðherbergið fær alltaf að vera smá “afgangs” þó svo að það þurfi ekki að kosta mikið að gera það örlítið huggulegra.

Ég á til með að deila með ykkur þessum myndum af fallegasta baðherbergi sem ég hef nokkurn tímann séð. Á þessu heimili býr innanhússarkitektinn Katrín Ísfeld og að sjálfsögðu hannaði hún baðherbergið sitt sjálf og er útkoman stórglæsileg! Notkun á litum í rýminu er nokkuð óvenjuleg og jafnvel loftið er málað í bleikum lit sem smellpassar við litapallettuna sem samanstendur af bleikum, bláum, gráum og grænum litatónum. Myndirnar tók ljósmyndarinn Rakel Ósk Sigurðardóttir en hún er algjör snillingur í sínu fagi. Ég get horft á þessar myndir aftur og aftur og er sannfærð um að hér sé mætt eitt fallegasta baðherbergi á Íslandi.

Litapallettan einkennist af mjúkum og notalegum litum.

 Myndir: Rakel Ósk Sigurðardóttir 

 Myndirnar sá ég fyrst á facebook síðu Stúdíó Ísfeld – Innanhússarkitekt, en þar er hægt að fylgjast með Katrínu Ísfeld og hennar verkum, mæli með því fyrir hönnunaráhugasama!

Ég er dálítið skotin í þessu heimili og alveg sérstaklega skotin í speglaveggnum í stofunni. Við vitum flest að speglar láta rými virka stærri og það að þekja heilann vegg með speglum gerir stofuna nánast helmingi stærri. Fyrir utan spegilinn eru glerhurðarnar sem loka af eldhúsið sérstaklega fallegar ásamt gluggaveggnum sem aðskilur baðherbergið og svefnherbergið. Það hefur orðið æ algengara að sjá gluggaveggi í skandinavískum hönnunartímaritum og bloggum og þetta er klárlega trend sem við munum sjá meira af. Það er sérstaklega góð hugmynd að brjóta niður vegg til hálfs og gera úr gluggavegg, það bæði hleypir birtu svo vel inn og lætur rýmið virka stærra svo er það hreinlega svo töff.

Takið eftir hvað listarnir koma vel út, óvenjulega háir við gólfið en mjög flottir og gefa íbúðinni mikinn karakter

Í draumahúsinu mínu myndi ég vilja setja upp svona gamlar glerhurðar í eldhúsið, oh svo smart!

Hér má sjá gluggavegginn sem um ræðir, það er lítið mál að gera gluggavegg úr veggjum sem eru úr gifsi en annað mál ef það eru steyptir burðarveggir sem en þá þarf að tala við fagfólk. Þarf að taka saman færslu með nokkrum flottum útfærslum á gluggaveggjum:)

Það kemur vel út að þekja heilann vegg á baðherberginu með spegil – enn og aftur hvað rýmið stækkar fyrir vikið og hleypir dagsbirtunni inn útaf gluggaveggnum, þið sjáið á myndinni hér að neðan að annars væri baðherbergið alveg gluggalaust. Mjög sniðug lausn!

Góð hugmynd að hafa tveggja hæða fatahengi á þröngum göngum til að nýta plássið sem best

Heimatilbúið sófahorn í eldhúsinu

Mjög smart innlit, hvað stendur uppúr hjá ykkur?

Baðherbergið er oft það rými á heimilinu sem fær minnstu ástina þrátt fyrir að við eyðum þar dágóðum tíma flesta daga. Það getur reynst erfitt að búa í leiguhúsnæði og mega lítið gera og þekki ég þær aðstæður mjög vel, en það er þó heilmikið hægt að gera með nokkrum skrautmunum og það þarf alls ekki að vera kostnaðarsamt.

Baðherbergin eru oft nokkuð lítil svo við erum að hugsa um litla smáhluti en ekki húsgögn. Falleg handklæði til að þurrka hendurnar koma manni langt í að fríska við baðherbergið. Ef þú ert með opna innréttingu þá myndi ég hafa þau öll í sama lit og rúlla þeim smekklega saman, en ef ekki þá er um að gera að hafa þau ólík til að breyta til. Mín eru gul, bleik og einnig röndótt og vel ég handklæði vikunnar eftir stuði.

Takið eftir hér að ofan hvað handklæðin koma vel út svona upprúlluð, en þegar innréttingin er opin er “nauðsynlegt” að hafa innihaldið vel raðað og snyrtilegt. Körfurnar neðst eru síðan góð lausn undir t.d. hárvörur, hárblásara og klósettrúllur í hinni.

Fallegt sturtuhengi getur gert gæfumuninn og er oft nokkuð áberandi partur af baðherberginu, stundum er nóg að hafa þau bara einlit en það er þó til ótrúlega gott úrval af sturtuhengjum með prenti á, mitt þessa stundina er með marmaraprenti. Ég hef keypt mín flest í H&M home en Ferm Living er einnig með frábært úrval.

Sápan! Hafið þið tekið eftir í innlitum í heimilis eða tískutímaritum þá eru viss sápumerki mjög algeng sjón á baðherbergjum og gefa þeim smá elegant yfirbragð. Ég viðurkenni alveg að sápurnar eru rosalega góðar og ilmurinn dásamlegur og alveg “ekta” en ekki svona gervi lykt og ég leyfi mér því að kaupa slíkar sápur inn á milli. Það er einnig hægt að kaupa fjölnota og fallegar sápupumpur í ýmsum verslunum sem þú fyllir einfaldlega á.

Smekkleg óhreinatau – Ég hef mjög gaman af því hvað úrvalið er skyndilega orðið gott af flottum óhreinataukörfum og margar á mjög góðu verði. House Doctor hefur t.d. verið með nokkrar skemmtilegar ásamt Ferm Living.

Fallegur baðsloppur jafnvel úr silki hengdur upp getur sett punktinn yfir i-ið og er að sjálfsögðu mjög hentugur til að henda yfir sig þegar komið er úr baði. Ég keypti mér nýlega hlébarða baðslopp í H&M sem fær að hanga inni á baðherberginu og er eins og hið fínasta punt!

Algengasta útkoman þegar baðherbergi eru hönnuð eru hvítt, svart, viður eða marmari en hafið í huga að möguleikarnir eru endalausir og kannski er baðherbergið einmitt rýmið til að sleppa alveg af sér beislinu? Klikkað veggfóður, málaðu baðkarið í lit, litríkar marokkóskar gólflísar, flott ljósakróna, allt svart eða samsetning af bleikum og fjólubláum litum á loft og veggi eins og á baðherbergi Katrínar Ísfeld hér að neðan.

Mynd: Rakel Ósk Sigurðardóttir / innanhússhönnun: Katrín Ísfeld, sjá meira hér. Þetta var eitt fallegasta baðherbergi sem ég hef heimsótt og ég ætlaði varla að trúa mínum augum svo fallegir voru litirnir. Takið eftir að þarna hefur hún einnig til skrauts gamla maskara sem fylla heilt ílát ásamt ilmvatnsglösum og tískuteikningu.

Lítill kollur eða hliðarborð til að geyma á handklæði eða uppstillingu af þínum bestu húðvörum ásamt kerti til að kveikja á þegar farið er í bað. Kollinn er einnig hægt að nýta sem stand undir blómapott eða tölvuna fyrir þá sem vilja horfa á bíómynd í baði:)

Ilmvötn til skrauts – raðaðu fallegum ilmvatnsglösum á bakka eða við vaskinn og bættu jafnvel við litlum kertastjaka eða blómavasa til að skapa smá stemmingu og fallega uppstillingu.

Stilltu upp uppáhalds snyrtivörunum þínum. Minna er samt meira, við erum ekki að tala um allt uppáhaldsdótið þitt og helst aðeins það sem er í fallegum umbúðum. Sjáið einnig hvað gyllta vírakarfan kemur vel út sem smáhlutahilla og á myndinni hér að neðan sjáið þið hvernig hún er fest upp, algjör snilld þegar ekki má negla í flísarnar.

Råskog hjólaborðið hefur slegið í gegn og er æðislegt til að hafa inni á baðherbergi, en getur þó auðveldlega orðið draslaralegt – hafið það í huga. Upphaflega var það hugsað í eldhúsið en eftir að stjörnustílistinn Pella Hedeby stíliseraði það á baðherbergi (mynd að ofan) hefur það rokselst. Þórunn Ívars bloggari er einnig dugleg að sýna frá sínu hjólaborði á snapchat.

Plaköt og myndir eiga líka heima á baðherbergjum, þetta er þó mögulega ekki rýmið til að hengja upp fjölskyldumyndir nema það séu þá sætar minningar af börnunum í baði t.d. Algengast er að sjá skemmtilegar setningar í ramma eða myndir af tískufyrirmyndum eða annað slíkt. Það er hægt að gleyma sér að skoða plaköt hjá t.d. Desenio.

Síðast en ekki síst þá má ekki gleyma að nefna elsku plönturnar sem lífga við hvaða rými á örskotsstundu og ég mæli með að kaupa þér fallega plöntu fyrir baðherbergið sem þarf ekki of mikla umhirðu. En best væri þó að tikka við fleira en eitt atriði hér að ofan og baðherbergið verður allt annað!

Hér að neðan er síðan listi af vörum sem ég tók saman fyrir baðherbergi í mínum anda.

//1. Það myndu fáir slá hendinni á móti fallegum Aarre glerhanka frá iittala. //2. Hlébarðasloppur frá H&M. //3. Falleg skipulagsbox frá House Doctor undir smádótið og skreyta baðherbergið um leið. Fást í A4. //4. Pappelina gólfmotta í fallegum lit er fullkomin inn í þvottahúsið, fást í Kokka. //5. Þurrbursti er að mínu mati nauðsynlegur á baðherbergi. //6. Marmarabakki undir ilmvatnsglösin og snyrtivörur, fæst í Kokku. //7. Ég er hægt og rólega að reyna að skipta yfir í betri snyrtivörur og hugsa vel um húðina, þessa dropa langar mig að prófa frá Estée Lauder, night repair og þessi flaska mætti alveg vera uppi við. //8. Flott óhreinatauskarfa, ég er sjálf að íhuga að kaupa mér þessa. Fæst í A4. //9. Aalto vasana má nota undir margt annað en blóm, minni stærðirnar eru til dæmis tilvaldar undir bómull, eyrnapinna eða förðunarbursta. //10. Stílhreint handklæði, Snúran. //11. L:A bruket handsápa, Snúran. //12. Bleikur tannbursti frá HAY en þó framleiddur af tannburstamerkinu Jordan. Ég á einn svona bleikan og Andrés á svartan. Væntanlegir í Epal. //13. Råskog hjólaborð, Ikea. //14. Sturtuhengi frá Ferm Living, Epal.

Ef ykkur líkaði við þessa færslu þá yrði ég þakklát ef þið væruð til í að smella á like hnappinn eða skilja eftir orð hér að neðan. Hvernig væri nú síðan að ég tæki létt baðherbergja innlit hér heima á snappinu mínu? Það er orðið þó nokkuð langt síðan ég sýndi frá því:)

Það er aldeilis baðherbergjaþema í gangi hér á blogginu mætti segja og er því alveg tilvalið að sýna ykkur núna lokaútkomuna hjá þeim Örnu og Sigvalda sem við höfum fylgst með taka í gegn þeirra fyrstu íbúð. Stóra baðherbergjafærslan sem ég birti í gær -sjá hér- er að slá öll met og lítur út fyrir að okkur vanti bara smá loka spark í rassinn til að hefjast handa. Þó leggja ekki allir í svona miklar framkvæmdir eins og þau Arna og Sigvaldi en það er alltaf gott að fá innblástur!

Segðu okkur Arna hvað er að frétta frá því síðast? Núna erum við Sigvaldi loksins búin að taka í gegn alla íbúðina, eða það sem við ætluðum okkur að gera frá því við fluttum inn. Fyrir um ári síðan gerðum við smá bráðabirgða breytingar á baðherberginu en planið var alltaf að fara svo seinna í stærri breytingar sem nú hafa loksins átt sér stað. // Sjá færsluna hér.

Hvað er það helsta sem þið breyttuð núna? Við tókum út baðkarið og settum sturtu og skiptum einnig um vask og blöndunartæki ásamt því að flísaleggja.

Hvaðan fenguð þið hugmyndir um útlit á baðherberginu? Þegar við byrjuðum á að fara yfir hugmyndir og útfærslur um hvernig við vildum hafa baðherbergið kom Pinterest og Instagram að góðu gagni. Sem betur fer erum við Sigvaldi oftast á sama máli með stílinn á heimilinu og því ekki erfitt fyrir okkur að vera sammála um hvað við viljum og hvað ekki.

Hvaðan völduð þið innréttingar og gólfefni? Við enduðum á að kaupa allt í BYKO, við byrjuðum á að kíkja á tilboðsdaga sem þá voru í gangi og skoðuðum úrvalið. Áður en við vissum af vorum við búin að finna allt sem okkur langaði í á baðherbergið og þökk sé Ástu snillingi hjá þeim að þá var þetta fljótt að smella saman, okkar sýn var komin á pappír og allt í takt við fjármagnið sem við vorum tilbúin að eyða í baðherbergið.

Eftir að við vorum búin að taka allar ákvarðanir með útlitið á baðinu fórum við aftur í Byko og fengum lokatilboð í allan pakkann, frá leigu á búnaði sem við þurftum í framkvæmdirnar yfir í blöndunartækin og flísar … og vá þvílíkur lúxuuuus að fá þetta allt bara á sama staðnum!

Er einhver sérstök hugsun á bakvið litaval og annað? Baðherbergið hjá okkur er ekki stórt auk þess sem það er gluggalaust, svo dökkir litir voru strax teknir út af borðinu til að minnka ekki rýmið og til halda einhverri birtu þarna inni. Við vildum hafa kósý inná baði og hafa þetta stað sem væri hlýr og notalegur.

Liturinn sem þau völdu á flísarnar var grár sem passar einnig vel við litinn á parketinu í íbúðinni.

Hvernig gengu svo framkvæmdirnar fyrir sig? Sigvaldi byrjaði á að strípa niður allt baðherbergið og vá hvað það kemur mikið ryk! Við mælum með fyrir alla sem ætla að fara í svona framkvæmdir að hafa mjög góða iðnaðarryksugu og plasta allt vel því það kemur ryk á staði sem þú vissir að væru ekki til. Við byrjuðum fyrsta daginn á að nota heimilisryksuguna og komumst fljótt að því að það væri ekki málið útaf fína rykinu sem kom og fórum því og leigðum góða iðnaðarryksugu í Byko sem létti okkur lífið talsvert.

Allavega… eftir að búið var að taka dúkinn, pússa allt niður og taka eins mikið ryk í burtu og hægt var að þá var byrjað að grunna veggina og gólfið með rakavörn. Eftir það hófst múrvinnan og gerð á sturtubotninum. Við vorum svo heppin að fá Alla (Alexander Óðinsson) vin hans Sigvalda sem starfar sem múrari til að koma og sýna okkur réttu handtökin við múrverkið en það er mjög mikilvægt að fá leiðbeiningar frá einhverjum sem er með þekkingu í að múra til að aðstoða við múrverkið því það er grunnurinn að þessu öllu saman og skiptir gríðalega miklu máli að það sé vel gert. Eftir góða kennslustund og múrinn kominn á þá var næst sett vatnsþéttifilma í allar kverkar eftir að Sigvaldi var búinn að setja upp falskan vegg meðfram lögnunum. Þar á eftir setti hann tvær umferðir af vatnsþéttifilmu á veggina og það látið þorna. Undirbúningsvinnan var mun tímafrekari en við bjuggumst bæði við en hún er mjög mikilvæg uppá að það komi ekki lekaskemmdir/rakaskemmdir undir flísarnar svo þessi vinna var vonandi öll þess virði.

Flísavinnan kom síðan mun betur út en við þorðum að vona enda algjört tilraunaverkefni hjá okkur. Lykilatriðið er að vera rosalega þolinmóður því þetta var mikil vandvirknisvinna og ég get ekki verið stoltari af Sigvalda að hafa náð að gera þetta sjálfur!

Flísarnar sem við völdum heita Sintesi Eliementi Grigo og eru með mjög litla vatnsdrægni. Fúgan sem okkur var ráðlagt að nota er svo með vörn gegn bakteríum, sveppum og myglu og hentar því vel á baðherbergi, hún fékkst einnig í Byko.

Hvers vegna sturtu í stað baðkars? Ég er mikill aðdáandi að stílhreinum og stórum opnum sturtum og hafði áður leigt hús sem var með tvöfaldri risastórri walk in sturtu sem mig langaði svo mikið í. En þar sem við vorum með ákveðið budget í þetta verkefni þá þarf maður að minnka kröfurnar á sumum stöðum. Þar sem við vorum að nýta lagnir sem voru fyrir og vildum sleppa við að færa þær þá komumst við að samkomulagi um að hafa opna einfalda sturtu með stórum sturtuhaus. Við vildum bæði hafa sturtuna opna og með gleri en ekki hengi til að rýmið væri nýtt sem best og væri sem stílhreinast.

Blöndunartækin sem þau völdu eru öll frá merkinu Grohe.

Hvernig gekk að koma öllu vel fyrir á þessu litla baðherbergi? Vaskurinn og innréttingin var smá höfuðverkur fyrir okkur í byrjun þar sem við erum með lítið pláss til að leika með en það voru til svo margar fallegar og stærri innréttingar sem okkur langaði í sem einfaldlega pössuðu ekki inná baðherbergið. Við vildum þó halda rýminu stílhreinu og skoðuðum mikið af vöskum og litum á innréttingu en enduðum alltaf í hvítu. Við fundum í Byko ferðinni þegar við vorum að velja flísarnar þennan vask og innréttingu sem hentaði mjög vel í rýmið og var á fínu verði svo við vorum ekki að velta þessu mikið meira fyrir okkur og erum við bara mjög sátt með hvernig þetta kom út.

Hvernig er svo tilfinningin að vera loksins búin? Í heildina litið erum við hrikalega sátt með útkomuna, við náðum þeim markmiðum sem við lögðum upp með, þ.e. að stækka rýmið, gera baðherbergið notarlegt og halda okkur innan budgets. Þeir þættir sem hjálpuðu okkur mest eru líklegast aðstoð Alla múrara við grunninn á baðherberginu, Youtube myndbönd og öll þessi ráðgjöf sem við fengum frá snilldar starfsfólki í Byko. Við Sigvaldi erum nefnilega ekki iðnmenntuð en erum að reyna að krafsa okkur í gegnum það að gera upp íbúð sjálf og það að geta gengið inn í verslun og fengið svör við því sem þér vantar er ómetanlegt og því vert að taka fram, því það eru svo sannarlega ekki allar verslanir sem eru með þá þjónustu eins og við vitum líklegast flest.

// Ég samgleðst þeim alveg innilega að vera loksins búin í framkvæmdunum og íbúðin orðin svona glæsileg, en eins og áður hefur komið fram þá voru allar breytingarnar gerðar í skrefum en ekki allt í einu svo verkin og kostnaðurinn voru yfirstíganlegri. Þeim tókst líka að klára allt í tæka tíð en það eru ekki nema örfáar vikur í að þau eignist sitt fyrsta barn og geta því verið róleg í hreiðurgerð. Takk elsku Arna og Sigvaldi fyrir að leyfa okkur að fylgjast með ♡

Næstu framkvæmdarfærslur verða svo af fjölskyldubústaðnum sem við erum á fullu að taka í gegn og einhver ykkar hafa þegar fengið að sjá smá af á Svartahvitu snappinu.

Það getur verið ansi dýrt að taka í gegn baðherbergið og er það líklega ástæða þess að meirihluti þeirra eru alveg einstaklega óspennandi í útliti – þið vitið sko alveg hvað ég er að tala um! Og oft á tíðum þegar búið er að eyða miklum pening í nýjar græjur og innréttingar er útkoman mögulega eins og öll hin baðherbergin – ég meina ekkert leiðinlegt – en það vantar allt fútt í þetta ♡ Smá litir og öðruvísi flísar að minnsta kosti…. Ég tók saman nokkrar myndir af baðherbergjum sem heilla mig og eiga það sameiginlegt að vera öðruvísi hver á sinn hátt.

Myndir via Pinterest 

Vá hvað ég gæfi mikið fyrir eitt svona djúsí baðherbergi – hvert er ykkar uppáhalds? – Ef þið smellið á myndirnar hér á ofan þá birtast þær stærri.

// Þið getið einnig fylgst með mér á instagram @svana.svartahvitu 

The post TRYLLTUR BAÐHERBERGJA INNBLÁSTUR appeared first on Trendnet.

Í dag ætla ég að deila með ykkur þessu dásamlega fallega sænska heimili. Það er ró yfir heimilinu sem er mjög stílhreint og lágstemmdir litir einkennandi. Barnaherbergið heillar mig – en hugur minn er þar um þessar mundir ♡

Kíkjum í heimsókn –

Myndir : Wrede fasteignasala

// Fylgstu einnig með á Instagram @svana.svartahvitu

The post SÆNSKT HEIMILI MEÐ FALLEGU BARNAHERBERGI appeared first on Trendnet.

Undanfarið hef ég varla haft undan við að svara fyrirspurnum um falleg blöndunartæki eftir að ég sýndi myndir frá Lusso Stone á Instagram hjá mér fyrir nokkru síðan. Um er að ræða breskt fyrirtæki sem sérhæfir sig í hágæða blöndunartækjum með lúxusyfirbragði en ég hafði heyrt fjölmörg meðmæli frá íslenskum viðskiptavinum og fylgjendum og því þótti mér eðlilegt að deila þeim meðmælum áfram. Ég hef sjálf verið að skoða gyllt blöndunartæki víða þar sem okkur vantar á heimilið – til að byrja með í eldhúsið sem verður tekið í gegn á næstunni. Hlakka mikið til að sýna ykkur afraksturinn þegar þær breytingar eru yfirstaðnar.

Lusso bjóða ekki einungis upp á blöndunartæki heldur má einnig finna í vöruúrvalinu baðkör, ofna, baðinnréttingar og fleira. Litir sem í boði eru: Svart matt, gyllt burstað, rósagyllt, burstað stál, gunmetal og krómhúðað. Hér má sjá nokkrar valdar myndir –

Myndir : Lusso Stone 

Ég hvet ykkur til að kynna ykkur Lusso Stone vel ef þið eruð í framkvæmdarhugleiðingum – sjá betur á heimasíðu Lussostone. Ég vil þó minna á að þrátt fyrir að verða heilluð af góðu verði, þá mun alltaf bætast við flutningsgjöld ásamt tolli. Lusso er einnig að finna á Instagram @lussostone.

P.s. ég hef áhuga á að deila sendingarkostnaði með áhugasömum þar sem ég ætla að byrja á einum stökum eldhúskrana. Sendu mér línu;) 

Happy shopping!

// Fylgstu einnig með á Instagram @svana.svartahvitu

The post FALLEG BLÖNDUNARTÆKI Á GÓÐU VERÐI // LUSSO STONE appeared first on Trendnet.

Þetta glæsilega 360 fm heimili í Chicaco var endurhannað af breska innanhússhönnuðinum Pernille Lind og er staðsett í sögufrægu Frank Lloyd Wright hverfi – þar sem heimsþekkti ameríski arkitektinn bjó, starfaði og hannaði 25 byggingar.

Kíkjum í heimsókn –

Myndir : Yellowtrace 

Til að sjá heimilið í heild sinni og lesa meira um hönnunina smellið þá hér –

// Fylgstu einnig með á Instagram @svana.svartahvitu

The post FULLKOMIÐ HLÝLEGT ELDHÚS & BAÐHERBERGI appeared first on Trendnet.

Danski húsgagnaframleiðandinn Montana sendi nýlega frá sér þessar dásamlegu og litríku myndir af baðherbergislínunni þeirra en hægt er að fá Montana innréttingar og hillur í 30 nýjum litum sérvöldum af heimsþekkta danska litasérfræðingnum Margrethe Odgaard.

Sjáið þessar æðislegu litasamsetningar, algjör baðherbergisdraumur!

Montana er eitt þekktasta hönnunarmerki dana, stofnað árið 1982 af Peter J. Lassen. Montana hillurnar er hægt að sérsníða að smekk hvers og eins og er hægt að velja úr óteljandi litum. Montana fæst í versluninni Epal fyrir áhugasama.

// Fylgstu einnig með á Instagram @svana.svartahvitu

The post PASTELDRAUMUR // MONTANA BAÐHERBERGI appeared first on Trendnet.

Hér er á ferð æðislega fallegt heimili fullt af íslenskri list og vandaðri hönnun. Elísabet Alma Svendsen smekksdama býr hér ásamt fjölskyldu sinni en hún er hönnuður og listrænn ráðgjafi og eigandi Listval sem er ráðgjafarþjónusta sem aðstoðar við myndlistarval. Ótrúlega spennandi þjónusta verð ég nú að segja – vonandi mun ég nýta mér hana einn daginn en eins og sjá má þá er Elísabet Alma með einstaklega gott auga fyrir því sem er fallegt. Sjáið þetta dásamlega heimili sem hún hefur skapað fjölskyldunni.

Fyrir áhugasama þá er húsið, sem staðsett er á Seltjarnarnesi nú komið á sölu, smellið hér fyrir fleiri upplýsingar. 

Myndir // Mbl.is / Fasteignir

Þvílíkur draumur – allt svo dásamlega fallegt. Baðherbergið er með því fallegra sem ég hef séð, sólstofan er æðisleg og svo öll listaverkin sem eru algjörlega punkturinn yfir i-ið.

The post EINSTAKT HEIMILI ELÍSABETAR ÖLMU & FJÖLSKYLDU appeared first on Trendnet.

… því stundum er eitt baðherbergi bara alls ekki nóg. Lúxusheimili af betri gerðinni með glæsilegum skrautlistum og vandaðri hönnun sem hæfir þessu fallega húsi frá árinu 1900 sem ekkert hafði verið gert við í 73 ár – svo það var af nægu að taka fyrir þessa fjölskyldu. Hér býr Christina Vising innanhússhönnuður og eigandi hönnunarstofunnar Ta-daa! ásamt fjölskyldu sinni. Heimilið hefur vakið athygli víða og m.a. prýtt forsíðu Bo Bedre og fleiri danskra tímarita.

Þó fæst okkar eigi þann draum að búa svona veglega – þá er samt gaman að skoða myndirnar ekki satt? Tólf leðurklæddar Sjöur, leður Svanir, Köngullinn og mörg önnur einstök húsgögn ásamt ótal listaverkjum prýða heimilið sem er alveg einstakt. Kíkjum í heimsókn –

Myndir // Ta-daa!

Viðtalið og sitthvað um framkvæmdirnar má lesa um hér –

Rétt upp hönd sem væri til í að búa hér!

The post LÚXUSHEIMILI MEÐ ÞRJÚ BAÐHERBERGI appeared first on Trendnet.

Þessi gimsteinn varð á vegi mínum á stuttu netflakki dagsins – um er að ræða ekki nema 38 fm íbúð sem er þó með þeim notalegri sem ég hef séð. Hér má einnig sjá sönnun þess hve mikilvægar mottur, gardínur og púðar geta verið. Íbúðin er í grunninn mjög hrá með steypta veggi og loft og sjáið hvað það gerir heimilið hlýlegt allur þessi textíll. Stofan er dásamlega falleg með æðislega mynstraða marokkóska ullarmottu sem afmarkar stofuna smá frá eldhúsinu þrátt fyrir að vera alveg ofan í hvoru öðru. Uppáhalds J39 stólarnir prýða eldhúsið og koma einnig inn með smá hlýju í grátt og svart eldhúsið.

Algjör draumur þessi íbúð.

Myndir : Bjurfors fasteignasala

Svefnherbergið er líka gullfallegt, með þykka ullarmottu á gólfinu, ljós rúmföt í stíl við gardínurnar og bast skilrúm – Útkoman er algjör draumur og lætur þessa steyptu og hráu veggi alveg fá að njóta sín.

The post EITT OFURSMART & SJARMERANDI HÖNNUNARHEIMILI appeared first on Trendnet.

Ég á til með að deila með ykkur þessum myndum af fallegasta baðherbergi sem ég hef nokkurn tímann séð. Á þessu heimili býr innanhússarkitektinn Katrín Ísfeld og að sjálfsögðu hannaði hún baðherbergið sitt sjálf og er útkoman stórglæsileg! Notkun á litum í rýminu er nokkuð óvenjuleg og jafnvel loftið er málað í bleikum lit sem smellpassar við litapallettuna sem samanstendur af bleikum, bláum, gráum og grænum litatónum. Myndirnar tók ljósmyndarinn Rakel Ósk Sigurðardóttir en hún er algjör snillingur í sínu fagi. Ég get horft á þessar myndir aftur og aftur og er sannfærð um að hér sé mætt eitt fallegasta baðherbergi á Íslandi.

Litapallettan einkennist af mjúkum og notalegum litum.

 Myndir: Rakel Ósk Sigurðardóttir 

 Myndirnar sá ég fyrst á facebook síðu Stúdíó Ísfeld – Innanhússarkitekt, en þar er hægt að fylgjast með Katrínu Ísfeld og hennar verkum, mæli með því fyrir hönnunaráhugasama!

The post FALLEGASTA BAÐHERBERGI ÍSLANDS? appeared first on Trendnet.

String hillur eru mjög ofarlega í huga mér þessa daga og ég sest reglulega við tölvuna að skoða uppsetningar á einni hillusamstæðu sem ég er með í huga en það er mjög gott að sækja sér hugmyndir í myndabankann hjá String – sem er algjört æði og allskyns sniðugar útfærslur hægt að sjá. String hillur á baðherbergi er þó alveg vanmetið að mínu mati og fæstir sem vita að hægt er að fá speglahurðir á skápana sem er æðislega hentugt á t.d. lítil baðherbergi.

Ég er þó reyndar að leita mér að hillu eða skáp í eldhúsið á vegg sem tengist yfir í alrýmið svo hún má vera dálítið smart og opnar String hillur með 2-4 skápum, með gler- og viðarhurðum er held ég útfærslan sem ég stefni á. Ég ætla að byrja á því að deila með ykkur þessum smart baðherbergja innblæstri og þegar ég hef ákveðið útlit hillunnar sem ég ætla að kaupa, hvort sem það er String eða ekki, þá deili ég því að sjálfsögðu með ykkur.

Eruði að sjá hvað þetta er agalega lekkert?

Myndir : String.se 

Ég er alveg bálskotin í þessum speglahurðum og svo eru líka komnar allskyns sniðugar viðbætur á þessar klassísku sænsku hillur t.a.m. krókar og hengi fyrir t.d. viskastykki, áhöld eða handklæði, glasarekkar, tímaritahillur, bakkar og fl. Fyrir áhugasama þá fæst String hjá Epal. 

The post BAÐHERBERGIÐ : STRING INNBLÁSTUR appeared first on Trendnet.

Stórkostlegar breytingar á þessu gullfallega baðherbergi. Fyrir áhugasama þá er hægt er að fylgjast með Jónu Maríu á Instragram hér @jonamaria.

Eigið góða helgi!

The post FYRIR & EFTIR HJÁ BLOGGARANUM JÓNU MARÍU appeared first on Trendnet.